بهديك طعنه من يقايا طعونك

لا جيت ابنسى واتراجع واسامحكِ
صاحن جروحي واشتكن لي طعونكِ

كلكِ خيانه قول .. وشلون ابمنحكِ
وش موقفكِ من شخص دايم يخونكِ !!

اكبر خطا.. لو جيت يمكِ اصالحكِ
اول تحوّل .. لاتغرّكِ إلحونكِ

اللي تقوله صح .. لو كنت جارحكِ
(مير) انت غارق للاسف في ظنونكِ

وصفكِ نسيته بس .. باقي ملامحكِ
بنهيكِ وانهي بالنهايه جنونكِ

ماتستحق امد (كفي) واصافحكِ
مثلكِ غلط عمري وابحيا .. بدونكِ

لعبت دوركِ شاهداتٍ مسارحكِ
خدعتيني واظهرتي خافي فنونكِ

كنت اعتقد .. قلبي هو ابرز مطامحكِ
اللي يبيع الناس لجله يصونكِ

تعبت اسوق الشوق يمكِ واصارحكِ
اخلصت لكِ بالحب .. شوفت عيونكِ

لكن خسارهـ صرت غايه مصالحكِ
ياليتني ماجيت .. لحظه بكونكِ

بالامس كنت بنشوهـ الحب .. امازحكِ
اخيل برقكِ واتحرى امزونكِ

واليوم من صفحه حياتي .. ابمسحكِ
هديت صرحكِ ثم طاحت ركونكِ

ولابي عيوني لو تصورت تلمحكِ
اعلنت موتكِ .. وانسجن لي كفونكِ

وان جيت تطلب .. ترتجيني اسامحكِ
بهديكِ طعنه .. من بقايا طعونكِ

كلمات جميله خطت بحروف ورديه

ومشاعر محمله بنبض قاسي

صح لسان قائلها

وسلمت يمينك علي هذا الاختيار يا مبدع

دمت بخير